રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કુંવારી ચડી રે કમાન
kunwari chaDi re kaman
કુંવારી ચડી રે કમાન
kunwari chaDi re kaman
કુંવારી ચડી રે કમાન, સુંદર વરને નીરખવા રે.
વીરા મોરા એ વર પરણાવો, એ વર છે વેવારીઓ રે.
બેની મોરી કયાં તમે દીઠો, ને ક્યાં તમારા મન મોહ્યાં રે.
ભણતો'તો ભટની નિહાળે, અગશરે મારાં મન મોહ્યાં રે.
કુંવારી ચડી રે કમાન, સુંદર વરને નીરખવા રે.
કાકા મોરા એ વર પરણાવો. એ વર છે વેવારીઓ રે.
ભતરીજ મોરી ક્યાં તમે દીઠો, ને ક્યાં તમારા મન મોહ્યાં રે.
જમતો તો સોનાને થાળે, કોળીડે મારાં મન મોહ્યા રે.
કુંવારી ચડી રે કમાન, સુંદર વરને નીરખવા રે.
દાદા મોરા એ વર પરણાવો એ વર છે વેવારીઓ રે.
ધીડી મેારી ક્યાં તમે દીઠો, ને ક્યાં તમારા મન મોહ્યાં રે.
રમતો'તો બવળી બજારે, દડુલે મારાં મન મોહ્યાં રે.
સ્રોત
- પુસ્તક : ગુજરાતનાં લોકગીતો (પૃષ્ઠ ક્રમાંક 9)
- સંપાદક : ખોડીદાસ પરમાર
- પ્રકાશક : સાહિત્ય અકાદમી
- વર્ષ : 2018