રેખ્તા
હિન્દવી
સૂફીનામા
રાજસ્થાની
આણાં
anan
આણાં
anan
સાત સાત સૈયરૂં સોગઠડે કંઈ રમતી જો,
એક રે સૈયરનાં આણલાં આવિયાં રે લોલ;
ખમો મારી સૈયરૂં, દાદાને પૂછી આવું જો,
આજુને આણે રે નહીં જાઉં સાસરે રે લોલ;
ઘેલાંની ધીડી, ઘેલડિયાં શું બોલો જો,
પરદેશી આણાં રે, પાછાં નહિ વળે રે લોલ.
સાત સાત સૈયરૂં સોગઠડે કંઈ રમતી જો,
એક રે સૈયરનાં આણલાં આવિયાં રે લોલ;
ખમો રી સૈયરૂં, કાકાને પૂછી આવું જો,
આજુને આણે રે નહીં જાઉં સાસરે રે લોલ;
ઘેલાં ભતરીજી, ઘેલડિયાં શું બોલો જો,
પરદેશી આણાં રે, પાછાં નહીં વળે રે લોલ.
સાત સાત સૈયરૂં સોગઠડે કંઈ રમતી જો,
એક રે સૈયરનાં આણલાં આવિયાં રે લોલ;
ખમો મોરી સૈયરૂં, વીરાને પૂછી આવું જો,
આજુને આણે રે નહીં જાઉં સાસરે રે લોલ;
ઘેલાં રે બેની, ઘેલડિયાં શું બોલો જો,
પરદેશી આણાં રે, પાછાં નહીં વળે રે લોલ,
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 63)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968