રેખ્તા
હિન્દવી
સૂફીનામા
રાજસ્થાની
છોટાલાલ છોકરો
chhotalal chhokro
છોટાલાલ છોકરો
chhotalal chhokro
બાગવાળાનો બંગલો એના લીલા-પીળા રંગ,
છોટાલાલ છોકરા તારું અમર રહેશે નામ.
રેલમાં કાગળ લખજે તારી મજૂરી ખોટી થાય – છોટાલાલ.
કડી ને કલ્લાં લેતો આવજે – છોટાલાલ.
ભારે જોઈને મૂલવો તારા બાપનું રહેશે નામ,.
ઓહાના આંહડી લાવજે – છોટાલાલ.
ભારે જોઈને મૂલવો તારા બાપનું રહેશે નામ.
સાંકળાંની જોડ વહેલા લાવજો – છોટાલાલ.
ભારે જોઈને મૂલવો તારા બાપનું રહેશે નામ.
બંગડીની જોડીઓ વહેલા લાવજો – છોટાલાલ.
ભારે જોઈને મૂલવો તારા બાપનું રહેશે નામ.
ચૂંદડી ને કાપડું વહેલાં લાવજો – છોટાલાલ.
ભારે જોઈને મૂલવો તારા બાપનું રહેશે નામ.
છોટાલાલ છોકરા તારું અમર રહેશે નામ.
રસપ્રદ તથ્યો
ખોખરા મહેમદાવાદના ઠાકોરવાસની ઠાકરડા સમુદાયની બહેનોએ આ ગીત ગાઈ સંભળાવ્યું હતું.
સ્રોત
- પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 26)
- સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, શિવશંકર પ્રાણલાલ શુક્લ
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1959