રેખ્તા
હિન્દવી
સૂફીનામા
રાજસ્થાની
તમતમતો ચેવડો
tamatamto chewDo
તમતમતો ચેવડો
tamatamto chewDo
તીખો ને તમતમતો ચેવડો રે,
લીંબુ જડે તો બેડા પાર રે;
તીખો ને તમતમતો ચેવડો.
ચેવડા પાસ ઊભી હું તો ઉતારા ભૂલી,
ભૂલી ભૂલી મેડીના મો’લ રે;
તીખો ને તમતમતો ચેવડો.
તીખો ને તમતમતો ચેવડો રે,
લીંબુ જડે તો બેડા પાર રે;
તીખો ને તમતમતો ચેવડો.
ચેવડા પાસ ઊભી હું તો દાતણિયાં ભૂલી,
ભૂલી ભૂલી કનેરાની કાંબ્ય રે;
તીખો ને તમતમતો ચેવડો.
તીખો ને તમતમતો ચેવડો રે,
લીંબુ જડે તો બેડા પાર રે;
તીખો ને તમતમતો ચેવડો.
ચેવડા પાસ ઊભી હું તો નાવણિયાં ભૂલી,
ભૂલી ભૂલી નદિયુંના નીર રે;
તીખો ને તમતમતો ચેવડો.
તીખો ને તમતમતો ચેવડે રે,
લીંબુ જડે તો બેડા પાર રે;
તીખો ને તમતમતો ચેવડો.
ચેવડા પાસ ઊભી હું તો ભોજનિયાં ભૂલી,
ભૂલી ભૂલી મેવા ને પકવાન રે;
તીખો ને તમતમતો ચેવડો.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 95)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968