રેખ્તા
હિન્દવી
સૂફીનામા
રાજસ્થાની
સાસુનો સંતાપ
sasuno santap
સાસુનો સંતાપ
sasuno santap
પાડોશણને ઘેર મે’માન આવ્યા, ધોડીને મળવા જાઉં;
હળીમળીને દુખણાં લીધાં, હતો ઈ તો મારો જેઠ;
બરી જાઉં, મરી જાઉં, મને કાંતતાં ન આવડે;
મારી સાસુનો સંતાપ જો!
ઘઉં લીધા, ઘેર ઘંટી, પરઘેર દળવા જાઉં,
પાડોશણ સાથે વાતું કરૂં, ને લોટ કુતરાં ખાય;
બરી જાઉં, મરી જાઉં, મને કાંતતાં ન આવડે;
મારી સાસુનો સંતાપ જો!
ભ્રામણ આવ્યો માગવા, ને ઘરમાં ધોડી જાઉં,
ઘરમાં જઈને તાળિયું પાડું, ભ્રામણ ભાગી જાય;
બરી જાઉં, મરી જાઉં, મને કાંતતાં ન આવડે;
મારી સાસુનો સંતાપ જો!
સસરાને ભાવે ચુરમા, ને સાસુને ભાવે સેવ,
જેઠને ભાવે ખીચડી, મને રાંધવાની ન મળે ટેવ;
બરી જાઉં, મરી જાઉં, મને કાંતતાં ન આવડે;
મારી સાસુનો સંતાપ જો!
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 24)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કાળીદાસ મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968