રેખ્તા
હિન્દવી
સૂફીનામા
રાજસ્થાની
સાસરામાં જાવું
sasraman jawun
સાસરામાં જાવું
sasraman jawun
એવી રૂડી ઉગતલ ઝાડવાની છાંયા,
એવી મારા માવતરની માયા;
કે રાજ મારે સાસરામાં જાવું.
દાદે અમને આજ પરદેશડામાં દીધા,
માતાજીયેં તો વેગળાં કીધાં;
કે રાજ મારે સાસરામાં જાવું.
એવી રૂડી ઉગતલ ઝાડવાની છાંયા,
એવી મારા માવતરની માયા;
કે રાજ મારે સાસરામાં જાવું.
કાકે અમને આજ પરદેશડામાં દીધાં,
કાકીયેં તો વેગળાં કીધાં;
કે રાજ મારે સાસરામાં જાવું.
એવી રૂડી ઉગતલ ઝાડવાની છાંયા,
એવી મારા માવતરની માયા;
કે રોજ મારે સાસરામાં જાવું.
મામે અમને આજ પરદેશડામાં દીધાં,
મામીયેં તો વેગળાં કીધાં;
કે રાજ મારે સાસરામાં જાવું.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 1)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ, હરિભાઈ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968