રેખ્તા
હિન્દવી
સૂફીનામા
રાજસ્થાની
સબરીને ઘેર રામ પધાર્યા
sabrine gher ram padharya
સબરીને ઘેર રામ પધાર્યા
sabrine gher ram padharya
સબરીને ઘેર રામ પધાર્યા, શી શી કરૂં મેમાની?
ચૌદ ભુવનનો નાથ પધાર્યા, ઝૂંપડી મારી નાની;
સબરીને ઘેર રામ પધાર્યા...
એક ખૂણે ધૂળનો ઢગલો, બીજે ખૂણે વાની,
ચૌદ ભુવનનો નાથ પધાર્યા, ઝૂંપડી મારી નાની;
સબરીને ઘેર રામ પધાર્યા...
નાહી ધોઈ બાજોઠ બેસાર્યા, તીલક કીધાં તાણી,
ચરણ ધોઈ ચરણામૃત લીધાં, ચરણમાં લપટાણી;
સબરીને ઘેર રામ પધાર્યા...
જગના જીવન જમવા બેઠા, મનમાં હું મુંઝાણી,
ત્યાં તો ઓલ્યાં બોર સાંભર્યાં, ટોપલો લીધો તાણી;
સબરીને ઘેર રામ પધાર્યા...
ભાવ મીઠા, ભાવતાં ભોજન, ભાવની પાનદાની;
ચૌદ ભુવનનો નાથ પધાર્યા, ઝૂંપડી મારી નાની!
સબરીને ઘેર રામ પધાર્યા, શી શી કરૂં મેમાની?
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 177)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, હરિલાલ કાળીદાસ મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966