રેખ્તા
હિન્દવી
સૂફીનામા
રાજસ્થાની
દેદાને દસે આંગળિયે વેઢ
dedane dase angaliye weDh
દેદાને દસે આંગળિયે વેઢ
dedane dase angaliye weDh
દેદાને દસે આંગળિયે વેઢ રે,
દેદો માર્યો લાઠીના ચોકમાં!
દેદાને માથે મેવાડી મોળિયાં રે,
દેદાને ગળે એકાવળ હાર રે,
દેદો માર્યો લાઠીના ચોકમાં!
દેદાને બાંયે બાજુબંધ બેરખા રે,
દેદાને દસે આંગળિયે વેઢ રે,
દેદો માર્યો લાઠીના ચોકમાં!
દેદાને પગે રાઠોડી મોજડી રે,
દેદાને મોજડીએ મેલ્યાં ફૂલ રે,
દેદો માર્યો લાઠીના ચોકમાં!
દેદે પહેર્યાં ખંભાતી ધોતિયા રે,
દેદાને ખભે ખંતીલો ખેસ રે,
દેદો માર્યો લાઠીના ચોકમાં!
સ્રોત
- પુસ્તક : ગુજરાતનાં લોકગીતો (પૃષ્ઠ ક્રમાંક 74)
- સંપાદક : ખોડીદાસ પરમાર
- પ્રકાશક : સાહિત્ય અકાદમી
- વર્ષ : 2018
- આવૃત્તિ : પુનર્મુદ્રણ