આસો માસે શરદપૂનમની રાત જો

આસો માસે શરદપૂનમની રાત જો,

ચાંદલિયો ઊગ્યો રે સખિ, મારા ચોકમાં.

સસરો મારો ઓલ્યા જલમનો બાપ જો,

સાસુ રે ઓલ્યા જલમની માવડી.

જેઠ મારો અષાઢીલો મેઘ જો,

જેઠાણી ઝબૂકે વાદળ-વીજળી.

દેર મારો ચાંપલિયાનો છોડ જો,

દેરાણી ચાંપલિયા કેરી પાંદડી.

નણંદ મારી વાડી માંયલી વેલ્ય જો,

નણદોઈ મારો વાડી માંયલો વાંદરો.

પરણ્યો મારી સગી નણંદનો વીર જો,

તાણી બાંધે રે નવરંગ પાઘડી.

aaso mase sharadpunamni raat jo