રેખ્તા
હિન્દવી
સૂફીનામા
રાજસ્થાની
અબોલા
abola
અબોલા
abola
ઓ રંગરસિયા! કાં રમી આવ્યા રાત જો?
આંખલડી રાતી રે બહુ રે ઉજાગરા રે લોલ.
અમે ગયા ’તા ગોરી! માનેતીને મો’લ જો,
સોગટડે રમતાં વાણલાં વાઈ ગયાં રે લોલ.
ઓ મોરી સૈયર! દાતણ આલતાં જાવ જો,
અબોલા લીધા રે બાળાવેશમાં રે લોલ.
ઓ મોરી સૈયર! દાતણ આલતાં જાવ જો,
દાતણની મોશે રે મૂરખ બોલશે રે લોલ.
એ રે મૂરખડે હાથે દાતણ લીધાં જો....અબોલા.
ઓ મોરી સૈયર! ભોજન આલતાં જાવ જો,
ભોજનની મોશે રે મૂરખ બોલશે રે લોલ.
એ રે મૂરખડે હાથે ભોજન લીધાં જો....અબોલા.
ઓ મોરી સૈયર! ખરી બપોરે પાણી જજો જો,
દાઝણની મોશે રે મૂરખ બોલશે રે લોલ.
સૈયર મોરી ખરી બપોરે પાણી ચાલ્યાં જો,
ઓ મોરી ગોરી! મોજડી પે’રતાં જજો જો.
પગનાં તળવાં દાઝશે રે લોલ!
