રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

આભમાં ઝીણી ઝબૂકે વીજળી રે

આભમાં ઝીણી ઝબૂકે વીજળી રે

Roman

આભમાં ઝીણી ઝબૂકે વીજળી રે

કે ઝીણા ઝરમર વરસે મેહ;

ગુલાબી! કેમ કરી જાશો ચાકરી રે? આભમાંo

ભીંજાય હાથી ને ભીંજાય ઘોડલાં રે,

કે ભીંજાય હાથીનો બેસતલ સૂબો;

ગુલાબી! કેમ કરી જાશો ચાકરી રે? આભમાંo

ભીંજાય મેડી ને ભીંજાય માળિયાં રે,

કે ભીંજાય મેડીની બેસતલ રાણી;

ગુલાબી! કેમ કરી જાશો ચાકરી રે? આભમાંo

તમને વ્હાલી દરબારી ચાકરી રે,

કે અમને વ્હાલો તમારો જીવ;

ગુલાબી! નૈ જાવા દઉં ચાકરી રે. આભમાંo

સ્રોત

પુસ્તક : ગુજરાતી ઊર્મિકાવ્યો (પૃષ્ઠ ક્રમાંક 44)
સંપાદક : જયન્ત પાઠક, રમણલાલ પાઠક
પ્રકાશક : આદર્શ પ્રકાશન
વર્ષ : 1983