રેખ્તા
હિન્દવી
સૂફીનામા
રાજસ્થાની
અભિમન્યુનો રાજીયો
abhimanyuno rajiyo
અભેવન ચડ્યો રણવાટ રે, ઓતરાને તેડાં મોકલ્યાં :
ગયા છે દોશીડાને હાટ રે, ઘરચોળા વસાળે મુંઘા મૂલનાં :
આપ્યાં ઓતરાને હાથ રે, ઓતરા હુંસીલીને પહેરવા :
પહેર્યાં છે વાર તહેરાર રે, જેવાં પહેર્યાં તેવાં ઉતર્યાં. વોય બાપજી વોય રે !
અભેવન ચડ્યો મરણઘાટ રે, ઓતરાને તેડાં મોકલ્યાં :
ગયા છે સોનીડાને હાટ રે, ઝુમણાં વસાવે મુંઘા મૂલના :
આપ્યાં ઓતરાને હાથ રે, ઓતરા હુંતીલીને પહેરવા :
પહેર્યાં છે વાર તહેરાર રે, જેવાં પહેર્યાં તેવાં ઉતર્યાં. વોય બાપજી વોય રે !
અભેવન ચડ્યો રણવાટ રે, ઓતરાને તેડાં મોકલ્યાં :
ગયા છે સુખડીયાને હાટ રે, સુખડી વસાવે મુંઘા મૂલની :
આપી તે ઓરતાને હાથ રે, ઓતરા રાણીને આરોગવા :
ખાધી છે વાર તહેવાર રે, જેવી ખાધી પાછી કરી. બોય બાપજી વોય રે !
અભેવન ચડ્યો મરણઘાટ રે, ઓતરાને તેડાં મોકલ્યાં :
ગયા છે સુરૈયાને હાટ રે, ખસબોઈઓ વસાવે મુંઘા મૂલની :
આપી તે ઓતરાને હાથ રે, ઓતરા હુંસીલીને કારણે.
લીધી છે વાર તહેવાર રે, જેવી લીધી તેવી પાછી ફરી. વોય બાપજી વોય રે !
અભેવન ચડ્યો રણવાટ રે, ઓતરાને તેડાં મોકલ્યાં :
ગયા છે મોચીડાને હાટ રે, મોજડી વસાવે મુંઘા મૂલની :
આપી તે ઓતરાને હાથ રે, ઓતરા હુંસીલીને પહેરવા.
પહેરી છે વાર તહેવાર રે, જેવી પહેરી તેવી ઉતરી. વોય બાપજી વોય રે !
અભિનય ચ યો મરણઘાટ રે, ઓતરાને તેડાં મોકલ્યાં :
ગયા છે ચાંલ્લીઓને હાટ રે, ચાંદલા વસાવે મુંઘા મૂલના :
આપ્યા તે ઓતરાને હાથ રે, ઓતરા હુંસીલીને ચ્હોડવા.
ચ્હોડ્યા છે વાર તહેવાર રે, જોવા ચોડ્યા તેવા ઊખડ્યા. વોય બાપજી વોય રે !
સ્રોત
- પુસ્તક : ગુજરાતી લોકસાહિત્યમાળા – મણકો– ૩ (પૃષ્ઠ ક્રમાંક 125)
- સંપાદક : ગુજરાત લોકસાહિત્ય સમિતિ (ધૂમકેતુ, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, કનૈયાલાલ જોશી, રેવાબહેન તડવી, શંકરભાઈ સોમાભાઇ તડવી.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1963