રેખ્તા
હિન્દવી
સૂફીનામા
રાજસ્થાની
આવો પારેવડાં
aawo parewDan
આંગણિયે ઊગતેલું ઝાડ, આવો પારેવડાં,
આવો પારેવડાં મનથી વિચારીએ;
આવો ન કરીએ જંજાળ, આવો પારેવડાં.
આવો પારેવડાં, ઉતારા ઓરડા,
દેવાય છે મેડીના મોલ; આવો પારેવડાં.
આંગણિયે ઊગતેલું ઝાડ, આવો પારવેડાં
આવો પારવેડાં મનથી વિચારીયેં;
આવો ન કરીયેં જંજાળ, આવો પારવેડાં.
આવો પારવેડાં, દાતણ દાડમી,
દેવાય છે કણેરી કાંબ્ય; આવો પારેવડાં.
આંગણિયે ઊગતેલું ઝાડ, આવો પારેવડાં,
આવો પારેવડાં મનથી વિચારીએ;
આવો ન કરીયેં જંજાળ, આવો પારેવડાં.
આવો પારેવડાં, નાવણ કૂંડિયા,
દેવાય છે નદીનાં નીર; આવો પારેવડાં.
આંગણ્યે ઊગતેલું ઝાડ, આવો પારેવડાં,
આવો પારેવડા મનથી વિચારીએં;
આવો ન કરીયેં જંજાળ, આવો પારેવડાં.
આવો પારેવડાં, ભોજન લાપસી,
દેવાય છે કઢિયલ દૂધ; આવો પારેવડાં.
આંગણિયે ઉગતેલું ઝાડ, આવો પારેવડાં,
આવો પારેવડાં મનથી વિચારીએ;
આવો ન કરીએ જંજાળ, આવો પારેવડાં,
આવો પારેવડાં, પોઢણ ઢોલિયા;
દેવાય છે હિંડોળા ખાટ, આવો પારેવડાં,
આંગણિયે ઉગતેલું ઝાડ, આવો પારેવડાં.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 60)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968