રેખ્તા
હિન્દવી
સૂફીનામા
રાજસ્થાની
કેસરીઓ અસ્વાર
kesrio aswar
કેસરીઓ અસ્વાર
kesrio aswar
ટાઢી શીળી સરવરીઆંની પાળ;
ત્યાં રે હજારી મોતી નીપજે.
મોતી લાગ્યાં નાના ભાઈને હાથ;
ઘેરે આવીને ઝગડો રોપીઓ.
બાપુ મારા, એ મોતીડાં અપાવ;
એ મોતીડે મારાં દિલ વસ્યાં.
ઘેલા, કુંવર, ઘેલેરું ના બોલ;
તું જ સમાણાં કુવર સોગઠે રમે.
લીલુડી ઘોડી, કેસરિયો અસવાર;
ચૌદ રતનનો વીરને ચાબખો.
ઘોડીલા ખેલ્યા માઝમ રાત;
જઈને ઊતરિયા રાયની વાડીએ.
ઘોડીલા બાંધ્યા વડ પીપરની છાંય,
ચાબખડો વળગાડ્યો વડની વડવાઈએ.
ટાઢી શીળી સરવરીઆંની પાળ;
ત્યાં રે હજારી મોતી નીપજે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 295)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, કંચન જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968