રેખ્તા
હિન્દવી
સૂફીનામા
રાજસ્થાની
ગોકુળ ગામ સોહામણું
gokul gam sohamanun
ગોકુળ ગામ સોહામણું
gokul gam sohamanun
ગોકુળ ગામ સોહામણું રે, જાવું જમનાને તીર,
ગિરધર ચારે ગાવડી, હાં રે ભેળાં બળભદર વીર;
ગોકુળ ગામ સોહામણું રે.
ગોકુળ ગામની ગોવાલણી રે, મહી વેચવાને જાય,
આડા કાનુડે ઓડા નાખીઆ, હાં રે રોકી વૃજ કેરી નાર્ય;
ગોકુળ ગામ સોહામણું રે.
નાકે તી ચુની શોભતી રે, ચુની લાલ ગુલાલ,
વેઢ વીંટી ને હાથે પોંચિયું, હાં રે વેણે વાંસંગી નાગ;
ગોકુળ ગામ સોહામણું રે .
મેલો કાનુડા, મારો છેડલો રે, હવે ઘણી થઈ ગઈ વાર,
ઘેર જાશું ને સાસુ ખીજશે, હાં રે ઓલી નણદી દેશે ગાળ;
ગોકુળ ગામ સોહામણું રે.
ચાર સાહેલી મળી સામટી રે, લાગી કાનુડાને પાય,
તમે રે જીત્યા ને અમે હારિયાં, હાં રે જાવા દિયો જદુરાય;
ગોકુળ ગામ સોહામણું રે.
સ્રોત
- પુસ્તક : ગુજરાતી લોકસાહિત્યમાળા – મણકો– ૯ (પૃષ્ઠ ક્રમાંક 241)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસા ઈ, પી. સી. પરીખ, ચંદ્રિકા જોધાણી)
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968