રેખ્તા
હિન્દવી
સૂફીનામા
રાજસ્થાની
પાંદડી ઊંચે ચડે ને નેંચી ઉતરે રે
pandDi unche chaDe ne nenchi utre re
પાંદડી ઊંચે ચડે ને નેંચી ઉતરે રે
pandDi unche chaDe ne nenchi utre re
પાંદડી ઊંચે ચડે ને નેંચી ઉતરે રે; પાંદડીનો સેડો સવા લાખનો.
અલી પાંદડી, સેડો ઢળકતો મેલ!
પાંદડી, હાંહડી લઈ આલું સવા લાખની; ઉપર સાચાં મોતીડાનો મોમનો;
અલી પાંદડી, સેડો ઢલકતો મેલ!
પાંદડી, કડલાં લઈ આલું સવા લાખનાં; ઉપર કાંબિયું કેરી જોડ;
અલી પાંદડી, સેડો ઢળકતો મેલ!
પાંદડી, ચુડી લઈ આલું સવા લાખની; ઉપર ઘુઘરી વાળી ચીપ;
અલી પાંદડી, સેડો ઢળકતો મેલ!
પાંદડી, વેઢલા ઘડાવું સવા લાખના; ઉપર પાંદડિયું પરમાણ;
અલી પાંદડી, સેડો ઢળકતો મેલ!
પાંદડી કૈડા ઘડાવું સવા લાખના; ઉપર વિંટીયુંનો શણગાર;
અલી પાંદડી, સેડો ઢળકતો મેલ!
પાંદડી, ઘાઘરો સીવાડું સવા લાખનો; ઉપર કમખે લીલુડી કોર;
અલી પાંદડી, સેડો ઢળકતો મેલ!
પાંદડી નણદી આલું રે સવા લાખની, સાથમાં દિયોરિયો મોટિયાર;
અલી પાંદડી, સેડો ઢળકતો મેલ!
સ્રોત
- પુસ્તક : ગુજરાતી લોકસાહિત્યમાળા – મણકો– ૫ (પૃષ્ઠ ક્રમાંક 271)
- સંપાદક : ગુજરાત લોકસાહિત્ય સમિતિ (મંજુલાલ ર. મજમૂદાર, બચુભાઈ રાવત, મનુભાઈ જોધાણી, પદ્મશ્રી દુલાભાઈ કાગ, મેરૂભા ગઢવી, પુષ્કર ચંદરવાકર, ચન્દ્રકાન્ત વાઘેલા, કનૈયાલાલ જોશી, પ્રહ્લાદ ચી. પરીખ, નિરંજન સરકાર.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1966