રેખ્તા
હિન્દવી
સૂફીનામા
રાજસ્થાની
અંમર ગાજે
anmar gaje
અંમર ગાજે
anmar gaje
અષાઢી સાંજના અંમર ગાજે,
અંમર ગાજે, મેઘાડંમર ગાજે;
પાદર ગોવારિયાના પાવા વાગે,
ફરતા ગોવારિયાના પાવા વાગે.
પાવા વાગે ને ગોપી સૂતાં જાગે,
વીરાની વાડીમાં અમૃત ઝરે;
અષાઢી સાંજના અંમર ગાજે.
અમૃત ઝરે ને ભાભી ઝરમર ઝીલે,
ભાભીની નવરંગ ચુંદડી ભીંજે;
અષાઢી સાંજના અંમર ગાજે.
ચુંદડી ભીંજે ને ખોળે બેટો રીઝે,
અંમર ગાજે ને મેઘાડંમર આજે.
પાદર ગોવારિયાના પાવા વાગે,
ફરતા ગોવારિયાના પાવા વાગે;
અષાઢી સાંજના અંમર ગાજે.
સ્રોત
- પુસ્તક : ગુજરાતી લોકસાહિત્યમાળા – મણકો– 7 (પૃષ્ઠ ક્રમાંક 54)
- સંપાદક : ગુજરાત લોકસાહિત્ય સમિતિ (મંજુલાલ ર. મજમુદાર, પદ્મશ્રી દુલાભાઈ કાગ, બચુભાઈ રાવત, મનુભાઈ જોધાણી, હરિવલ્લભ ભાયાણી, પુષ્કર ચંદરવાકર, દુલેરાય કારણી, ચીમનલાલ ભટ્ટ, સુધાબહેન ર. દેસાઈ, પી. સી. પરીખ. હરિલાલ કા. મોઢા.
- પ્રકાશક : ગુજરાત લોકસાહિત્ય સમિતિ, અમદાવાદ
- વર્ષ : 1968