આ ખાદીનો સાફો ભરતે ભર્યો

આ ખાદીનો સાફો ભરતે ભર્યો.

આવેલો ઊભલાને દેશ રે, આ સાફો ક્યાંથી વાપર્યો?

ઓઢી પહેરી જોરુભાઈ નીસર્યા

જોઈ રહ્યા, આકરુ ગામના શેઠ રે

આ ખાદીનો સાફો ભરતે ભર્યો.

આ ખાદીની સાડી ભરતે ભરી.

ઓઢી પહેરી હેમલતા વહુ નીસર્યાં રે.

જોઈ રહ્યા, આકરુ ગામના શેઠ રે

આ ખાદીની સાડી ભરતે ભરી.

ઈમના દાદા દિલ્હીના દીવાન છે

રાજકોટના રજવાડા, સૂરજના સરદાર,

મુંબઈના મલબારા, ગાંધીજીએ ભેટ મોકલી.

રસપ્રદ તથ્યો

(આ લગ્નગીત ફૂલેકામાં ગવાય છે.)

પુસ્તક : ગુજરાતી લોકસાહિત્યમાળા – મણકો– ૨ (પૃષ્ઠ ક્રમાંક 130)
સંપાદક : ગુજરાત લોકસાહિત્ય સમિતિ (ઉમાશંકર જોશી, પુષ્કર ચંદરવાકર, સુધા દેસાઇ, મંજુલાલ ર. મજમૂદાર, મધુભાઈ પટેલ, લાલચંદ ધૂળાભાઈ નીનામા, જોરાવરસિંહ જાદવ.
પ્રકાશક : ગુજરાત લોકસાહિત્ય સમિતિ, અમદાવાદ
વર્ષ : 1959

aa khadino sapho bharte bharyo