રેખ્તા
હિન્દવી
સૂફીનામા
રાજસ્થાની
લોભી તથા કંજુસ વિષે
lobhii tathaa kanjus vishe
દલપતરામ
દલપતરામ
(મનહર છંદ)
વસંતની વેળા વિષે ખાખરા પલ્લવિયા ખૂબ,
ફેલાઈ રહ્યાં છે મોટાં પાન જેવા ફાફડા;
ફૂલ તો સફાઈબંધ કેસુડાંને નામ ક્રોડ,
થયા થોકે થોકે તેના ઉપર તો થાપડા;
ફાલ્યો ફૂલ્યો ખૂબ ફોગટ થૈ ફૂલ તેની,
પરિણામે ફળ તો પ્રગટ્યાં પીતપાપડા;
સુણો રૂડા રાજહંસ દાખે દલપતરામ,
બહુ આશા બાંધીને ઠગાયા સુડા બાપડા.
સ્રોત
- પુસ્તક : દલપતરામનાં શ્રેષ્ઠ કાવ્યો (પૃષ્ઠ ક્રમાંક 36)
- સંપાદક : ચંદ્રકાન્ત ટોપીવાળા
- પ્રકાશક : પાર્શ્વ પબ્લિકેશન
- વર્ષ : 2008