રેખ્તા
હિન્દવી
સૂફીનામા
રાજસ્થાની
જળદનું જળ જોઈ
Jalad Nu Jal Joi
દલપતરામ
દલપતરામ
જળદનું જળ જોઈ જવાસો પ્રજળી જાય,
ભાનુનો આભાસ ભાળી ઘૂડ ગભરાય છે;
સિંહનાં સંતાન દેખી હરણ હબક ખાય,
તારર્ક્ષ્ય-પ્રતાપ પેખી સાપ સંકોચાય છે.
ચઢેલો ચકોર-મિત્ર દેખી દલપત કહે,
ચોર ને ખચીત ચિત્ત ચટપટી થાય છે;
સોક્યનાં સંતાન દેખી સોક્યનું સુકાય તન,
સુકવિની કવિતાથી કુકવિ સુકાય છે.
રસપ્રદ તથ્યો
તારર્ક્ષ્ય = ગરૂડ, ચકોર-મિત્ર = ચંદ્ર
સ્રોત
- પુસ્તક : ચૂંટેલી કવિતા : દલપતરામ (પૃષ્ઠ ક્રમાંક 8)
- સંપાદક : ચિમનલાલ ત્રિવેદી
- પ્રકાશક : ગુજરાત સાહિત્ય અકાદમી, ગાંધીનગર
- વર્ષ : 2002