haathii thanun bachchun - Kavit | RekhtaGujarati

હાથી તણું બચ્ચું

haathii thanun bachchun

દલપતરામ દલપતરામ
હાથી તણું બચ્ચું
દલપતરામ

(મનહર છંદ)

હાથીતણું બચ્ચું હોય પણ જો રાજાએ તેને,

કૂતરું કહ્યું તો પછી કૂતરું તે કૂતરું;

બરફનો બેટ બની તરી આવે ઉદધિમાં,

રાજા કહે રૂ તર્યું, તો રૂ તર્યું તે રૂ તર્યું;

ઉત્તમ કન્યાને ગણી કાઢી જો અનુત્તમમાં,

ઉત્તમ થાય જોડું, સૂતર્યું તે સૂતર્યું;

રાજા અધિરાજ ખુદાવંદ સુણો ખંડેરાવ,

મોતીતણું નીર તે તો ઉતર્યું તે ઉતર્યું.

સ્રોત

  • પુસ્તક : દલપતરામનાં શ્રેષ્ઠ કાવ્યો (પૃષ્ઠ ક્રમાંક 29)
  • સંપાદક : ચંદ્રકાન્ત ટોપીવાળા
  • પ્રકાશક : પાર્શ્વ પબ્લિકેશન
  • વર્ષ : 2008