વર્ષ વીત્યા વિષે (ફાર્બસ વિરહ)

(ઇંદ્રવિજય છંદ)

આવી વળી વરષાઋતુ તો, વરસાદ વિશેષ વળી વરસાવ્યો;

શ્રાવણના દિન સર્વ ગયા, પછી ભાદરવો ભલી ભાત ભજાવ્યો;

વર્ષ પુરૂં દલપત્ત વિત્યું, દસરા દિન દૈવગતે દરશાવ્યો;

આવી દિવાળી વળી ફરીથી, ફરીથી પ્રિય ફાર્બસ તો નહિ આવ્યો.

(દ્વિઅર્થી — દોહરો)

ફાગણ આગળ ગત અને, આયો ચૈતર અંત;

શરૂ બળેવમાં સાંભરે, પોસ અંત પર્યંત.

(સોરઠો)

દિન ગણતાં ગત માસ, માસ ગણત વરસે ગયું;

નિશ્ચય થઈ નિરાશ કઠોર બનીયું કાળજું.

કઇક કહે મહારાજ, મુઆં મનુષ્ય જગાડશે;

એ દિન ક્યાંથી આજ, મળીયે ફાર્બસ મિત્રને.

varsh vityaa vishe (Farbas Virah)