તે સ્ત્રી પુરૂષના ગુણ વિષે (ફાર્બસ વિરહ)

(મનહર છંદ)

એક રંગ એક રૂપ, ધર્મ કર્મ મર્મ એક;

ચતુરતા એક ચિત્ત એકજ વિચારનાં;

એક ભક્તિ એક ભાવ એકજ સ્વભાવ શુદ્ધ,

નિરંતર એકજ લક્ષણ નર નારનાં;

પતિ નામ મિસ્તર નેં પતની મિસીસ નામ,

ફારબસ જોડ એટલાજ ફેરફારનાં;

બહાર બે રૂપ પણ અંદર જણાય એક,

ગુણે સ્ટીરિયોસકોપ પ્રતિમા પ્રકારનાં.

રસપ્રદ તથ્યો

સ્ટીરિયોસકોપ - એક પેટીમાં બે છબીઓ હોય, પમ જોતાં એક દેખાય છે તે

te strii purushnaa gun vishe (Farbas Virah)