સાભ્રમતી પ્રતિ ઉક્તિ (ફાર્બસ વિરહ)

સુણ સતી સાભ્રમતી ધીમી કેમ ધારી ગતિ,

વિરતિની મતિ કેમ રાખી મારી વીરી તેં;

કેમ થયું કૃષ અંગ, ક્યાં ગયા તારા તરંગ,

સંગ હતા દાદૂર તે દૂર કર્યા શી રીતે;

બંને બાજુ ઓઢેલાં લીલાં રૂચિર ચીર હતાં,

ચિત્તમાં શી ચિંતા ચઢી ચીર નાંખ્યાં ચીરી તેં;

ઉદાસી દીસે છે આમ દાખે દલપતરામ,

ફારબસ ગયો તેથી લીધી શું ફકીરી તેં.

રસપ્રદ તથ્યો

વિરતિની - વૈરાગ્યની; વીરી - બહેન; કૃષ - પાતળું; ફકીરી = મૂળમાં ફકીરીની જગ્યાએ 'ફકરી' છે.

Sabhramati prati ukti (Farbas Virah)