હોલી ખેલહુ સમુઝી કે રે ભાઈ, વૃથા ક્યોં ધૂર ઉડાઈ?

પર સંતાપ તાપ અરુ તામસ, દેહુ હોલિકા લગાઈ.

યાહિ જલાય ભસ્મ કર દીજૈ, શુદ્ધ ચિત્ત હો જાઈ;

કરો કછુ દેશ ભલાઈ. હોલી૦

કામ ક્રોધ મદ લોભ મોહ જે, કરત સદા કુટિલાઈ,

કારો મુખ કર ઇનહિ નિકાલો, એસો સ્વાંગ સુખદાઈ;

શોભા છિન છિન અધિકાઈ. હોલી૦

ધીર ક્ષમા સમતા આરાધન, અગમ ઈશ શ્રુતિ ગાઈ,

તાકે ધ્યાન મેં મતવાલે હૈ, તન કી શુદ્ધિ બિસરાઈ;

સદ્ય એસી ફલદાઈ. હોલી૦

જ્ઞાન ધ્યાન સન્માન સુજન કો, રંગ સુરંગ બનાઈ,

પ્રેમ પ્રતીતિ પ્રીતિ પિચકારી, મારી જિયા હુલસાઈ;

ધૂમ ચહું દિશ મેં છાઈ. હોલી૦

હે જગદીશ અનાદિ અનુપમ, નિરાધાર જગરાઈ,

હોય કૃપા જબ તેરી ‘ગનેશી’, ભારત વિપત્તિ નસાઈ;

ફાગ તબ હોય સદાઈ. હોલી૦