રેખ્તા
હિન્દવી
સૂફીનામા
રાજસ્થાની
ચાંદરડાં
chandarDan
ઝવેરચંદ મેઘાણી
ઝવેરચંદ મેઘાણી
બાને ખોળે બેની રડી
એ રે બૂમ આકાશે ચડી
આકાશે સૂતા શ્રી હરિ
હરિની આંખો ઝબકી પડી.
ફૂલ-સેજલડી ઝટ પરહરી
હરિએ મેલી નીંદર-પરી
સોણલાંની છાબડીઓ ભરી
નીંદર વાદળીને વા'ણે ચડી.
અધમધ દરિયે વીજળી મળી
વીજળી ખડખડ હસી પડી
નીંદરની નાવડી ઊંધી વળી.
છાબનાં સોણલાં વેરાઈ ગયાં
ને એનાં તો ચાંદરડાં થયાં.
સ્રોત
- પુસ્તક : સોના નાવડી (પૃષ્ઠ ક્રમાંક 257)
- સંપાદક : જયંત મેઘાણી
- પ્રકાશક : ગુજરાત સાહિત્ય અકાદમી
- વર્ષ : 1997