રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હાઈકુ-૧
haiku 1
સ્નેહરશ્મિ
સ્નેહરશ્મિ
નવવધૂએ
દીપ હોલવ્યો: રાત
રૂપની વેલ.
----
વાળવી વાડી
શી રીતે! - પાનખર
ઘડી ન જંપે!
---
તરતું જાય
હવામાં પંખી ગાતું:
નભ રંગાતું.
---
સૂકેલી ડાળે
પોપટ બેઠો: પાન
ચોગમ લીલાં.
---
પતંગિયું ત્યાં
થયું અલોપઃ શૂન્ય
ગયું રંગાઈ.
---
ઊગે સોનેરી
ચાંદ: સૂરજ થાય
રૂપેરી રાતો!
---
છાપરું ચૂવેઃ
ભીંજે ખોળામાં બાળ
માનાં આંસુથી.
---
સમીર ગયો
પકડાઈ તું કંપ
મહીં પર્ણોના!
સ્રોત
- પુસ્તક : વીસમી સદીની ગુજરાતી કાવ્યમુદ્રા (પૃષ્ઠ ક્રમાંક 739)
- સંપાદક : ચન્દ્રકાન્ત શેઠ, યોગેશ જોષી, હર્ષ બ્રહ્મભટ્ટ, ઊર્મિલા ઠાકર
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2007