રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

વાતાવરણ રહે

જવાહર બક્ષી

વાતાવરણ રહે

જવાહર બક્ષી

Roman

ચાલ્યા જતા પ્રસંગની એકાદ ક્ષણ રહે

તોપણ પૂરા પ્રસંગનું વાતાવરણ રહે

જો દૃષ્ટિ સ્થિર થાશે તો જોઈશ ધરાઈને

પણ ત્યાં સુધી એ રૂપ ઉપર આવરણ રહે

મારી ક્ષિતિજ લઈને હું ફરતો રહ્યા કરું

મર્યાદા એની એ રહે ને વિસ્તરણ રહે

મન થાય ત્યારે યાદ નિરાંતે કરું નહીં!

એ શું કે વાતવાતમાં તારું સ્મરણ રહે

સ્વપ્નાંય બહુ તો ઓગાળી ઝાકળ થઈ ગયાં

જીવનમાં તો પછી 'ફના' ક્યાંથી ઝરણ રહે?

સ્રોત

પુસ્તક : તારાપણાના શહેરમાં (પૃષ્ઠ ક્રમાંક 31)
સર્જક : જવાહર બક્ષી
પ્રકાશક : વિશાલ પબ્લિકેશન
વર્ષ : 1999