રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વાતાવરણ ગુલાબી, મજાનો સમય હતો,
અફસોસ કે એ મારા જવાનો સમય હતો!
એ દેણગી કે શ્રાપ, ખબર પણ પડી નહીં,
જે કાવ્યનો સમય, એ વ્યથાનો સમય હતો!
ભરપૂર પ્રેમ હોય તો ઢંકાય ખામીઓ,
પથરાળ પટ તો ઓટ થવાનો સમય હતો!
આંસુ ને સ્વપ્ન, આંખમાં સાથે રહે નહીં,
છે એક વર્તમાન, બીજાનો સમય હતો!
અંતિમ ક્ષણે કહ્યું મેં સિકંદરના કાનમાં,
દુનિયાનો એકમાત્ર ખજાનો સમય હતો!
સ્રોત
- પુસ્તક : નવનીત સમર્પણ - 2016
- સંપાદક : દીપક દોશી
- પ્રકાશક : ભારતીય વિદ્યા ભવન