રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સુગંધે કહ્યું છે ઘણું ખાનગીમાં
sugandhe kahyun chhe ghanun khangiman
ભાવેશ ભટ્ટ
ભાવેશ ભટ્ટ
સુગંધે કહ્યું છે ઘણું ખાનગીમાં
ન કહેવાય જે ફૂલની હાજરીમાં
હતી એને જાતે જ ઉપાડવાની
અમુક તેથી બેસી શક્યા પાલખીમાં
મને તો એ કળીઓ જ નાસ્તિક લાગી
જે જાતે ફસાઈ રહી છાબડીમાં
પડી એને લત આંગળી વીંધવાની
પછી કાટ લાગી ગયો ટાંકણીમાં
મિનારાથી ફેંકાતી નારીનું આક્રંદ
કડાકા અમસ્તા નથી વીજળીમાં
નથી તારલા, ચંદ્ર, સૂરજ કે અગ્નિ
મરણ લઈને આવ્યું કઈ રોશનીમાં
બને તો કફન આરવાળું ચઢાવો
કરચલી મળી છે ઘણી જિંદગીમાં
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.