અંધારું ઓળખું છું સિતારા ગણી ગણી

અંધારું ઓળખું છું સિતારા ગણી ગણી,

ને ત્યાં જ યાદ આવી મને તારી ઓઢણી.

સમણું તો ક્યારનુંય ગયું આંખથી સરી

મધરાતે કોણે પ્રેમથી ચૂંટી મને ખણી?

રસ્તો ગમે તે હોય ચાલ સીધી હોય તો;

સ્મરણો જ મને લઈ જવાનાં તારા ઘર ભણી.

સંબંધ નામે સૂર્ય ક્ષિતિજમાં સરી ગયો,

મારા તમારામાં જ રહી ભટકી લાગણી.

ઊગવાના ઓરતામાં રોપાઈ ગયો હું જ,

વણસેલો છે વરસાદ થઈ મારી વાવણી.

ભીંતો વગરનું સાવ ખુલ્લું ઘર છે મારું આ;

મારા તમારા વચ્ચે મેં દીવાલ ના ચણી.

Andharu Olakhu Chhu Sitara Gani Gani