રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
વારતા મારી હતી પળમાં હતી
Varata Mari Hati Palma Hati
સુલતાન લોખંડવાલા
સુલતાન લોખંડવાલા
વારતા મારી હતી પળમાં હતી.
જેમ છૂપી વીજ વાદળમાં હતી.
અક્ષરો રેલાઈ ગ્યા બસ એટલે;
આંખની ભીનાશ કાગળમાં હતી.
બારણાંઓ બંધ છે, નિર્દોષ છે;
ધૃષ્ટતા ભરપૂર સાંકળમાં હતી.
આંખથી કાળાશ ટપકી બેશુમાર;
ગમગીની કેવી એ કાજળમાં હતી.
ભાલમાં રેખા હતી કે સળ હતા?
વેદના એક એક એ સળમાં હતી.
સ્રોત
- પુસ્તક : વાછટ (પૃષ્ઠ ક્રમાંક 52)
- સર્જક : સુલતાન લોખંડવાલા
- પ્રકાશક : પોતે
- વર્ષ : 1993