સતત આઘું ખસીને છેતરે મૃગજળ તો મૃગજળ છે

સતત આઘું ખસીને છેતરે મૃગજળ તો મૃગજળ છે

ભીંજવવા દૂરથી આવે નજીક વાદળ તો વાદળ છે

ભલેને હોય કાંટાળો કશેક લઈ જાય છે રસ્તો

ભલે ને હોય સોનાની છતાં સાંકળ તો સાંકળ છે

ઘણી ઊંડી છે નિસ્બત આંસુને બે આંખ સાથેની

ઉપરછલ્લું છે, રેલાઈ જશે કાજળ તો કાજળ છે

મળે ઈ-મેલમાં ક્યાં શબ્દ છેકેલા-સુધારેલા

મજાની એ મથામણથી ભર્યો કાગળ તો કાગળ છે

રહી પાછળ અમે જોયો આ દુનિયાનો ખરો ચહેરો

ભલેને ભાગ્ય મારું બે કદમ આગળ તો આગળ છે

satat aghun khasine chhetre mrigjal to mrigjal chhe