તું મને ન શોધ ક્યાંય આસપાસમાં

તું મને ન શોધ ક્યાંય આસપાસમાં...

હું તને મળી શકું તારા જ શ્વાસમાં...

ના ભળે સાથે કદી તો ક્યાં ફરક પડે?

સ્વપ્નમાં સાથે હશું કોઈ પ્રવાસમાં...

સૂર્ય જેમ કોઈનામાં હું સવારથી;

અંધકાર શોધતો રહ્યો ઉજાસમાં...

માર્ગમાં કોઈક તો ભૂલું પડ્યું હશે;

નીકળ્યો હશે પછી પવન તપાસમાં...

તું મથામણો કરી ગઝલ લખી તો જો!

હું તને મળી જઈશ કોક પ્રાસમાં...

tun mane na shodh kyanya aspasman