રેખ્તા
હિન્દવી
સૂફીનામા
રાજસ્થાની
ઠામ - ઠેકાણાં વગર કામે મળ્યાં
thaam - thekaanaa vagar kaame malyaan
ભરત ભટ્ટ 'તરલ'
ભરત ભટ્ટ 'તરલ'
ઠામ - ઠેકાણાં વગર કામે મળ્યાં
આગિયા સૂરજના સરનામે મળ્યાં
શોધવામાં જિંદગી આખી ગઈ
છેવટે તેઓ અહીં સામે મળ્યાં
કોઈને શબ્દો સહજ થઈ સાંપડ્યા
કોઈને બહુવિધ વ્યાયામે મળ્યાં!
બાકીનાં પ્રેક્ષક બની અળગા રહ્યાં
હાર-જીતનાં જીવ સંગ્રામે મળ્યાં!
એટલે ઓળખ પરખ ના થઈ શકી
તે અલગ રૂપે અલગ નામે મળ્યાં!
યુદ્ધ અટક્યું નહીં અનાદિકાળથી
શસ્ત્ર શબ્દોનાં સરંજામે મળ્યાં!
સ્રોત
- પુસ્તક : કવિ તરફથી મળેલી કૃતિ