તારી ઉદાસ આંખમાં સ્વપ્નાં ભરી શકું

તારી ઉદાસ આંખમાં સ્વપ્નાં ભરી શકું,

મારું ગજું નથી કે તને છેતરી શકું.

મેંદી ભરેલા હાથમાં એવી ભીનાશ ક્યાં?

તરસ્ચા થયેલા હોઠને ભીના કરી શકું.

તારી હવે તો દૂરતા રસ્તા વિનાની છે,

એના વિના હું કઈ રીતે પાછો ફરી શકું?

આવું મળું ને વાત કરું એ નસીબ ક્યાં?

કહેવાને આમ સાત સમંદર તરી શકું.

“કૈલાસ” હું તો એકલો નીકળીને જાત પણ,

ભેગા થયાં છે લોક તો હું શું કરી શકું?

tari udas ankhman swapnan bhari shakun