રેખ્તા
હિન્દવી
સૂફીનામા
રાજસ્થાની
તને કવિતા
tane kawita
હરજીવન દાફડા
હરજીવન દાફડા
શબ્દમાં કંઈ સમાય એમ નથી,
મૌન ઝાઝું ખમાય એમ નથી.
હોઉં અહીંયા તો કેમ ત્યાં આવું,
એકના બે થવાય એમ નથી.
મેં અહીં, ત્યાં કર્યો તેં પ્રેમ મને,
કાંઈ બીજું તો થાય એમ નથી.
આવ ભીતરથી બહાર, તો મળીએ,
હાથ લાંબો કરાય એમ નથી.
કઈ રીતે ભૂલવી તને કવિતા,
શ્વાસ છોડી શકાય એમ નથી.
સ્રોત
- પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.