આ મારું મન રડ્યું તો છે — પરંતુ ઓછું બહુ ઓછું

આ મારું મન રડ્યું તો છે — પરંતુ ઓછું બહુ ઓછું

મને આ સુખ મળ્યું તો છે — પરંતુ ઓછું બહુ ઓછું

કોઈ હૈયામાં હમદર્દી રૂપે પણ સ્થાન પામ્યો છું

મને એ ઘર ગમ્યું તો છે — પરંતુ ઓછું બહુ ઓછું

તમે મળતે તો શું થાતે, મળ્યાં ના તો થયું શું શું?

એ સરવૈયું કર્યું તો છે — પરંતુ ઓછું બહુ ઓછું

ગણતરીના પ્રસંગોમાં જ લાગ્યું છે ખુદા જેવું

આ મસ્તક પણ નમ્યું તો છે — પરંતુ ઓછું બહુ ઓછું

તમે મનગમતો ચેહરો યાદ કરશો તો સમજ પડશે

ગઝલમાં મેં કહ્યું તો છે — પરંતુ ઓછું બહુ ઓછું

aa marun man raDyun to chhe — parantu ochhun bahu ochhun