અમારા તડપવાનું કારણ સ્મરણ છે

અમારા તડપવાનું કારણ સ્મરણ છે

અને રોજ મરવાનું કારણ સ્મરણ છે.

નથી આગ જેવું કશું જિંદગીમાં,

અમારા સળગવાનું કારણ સ્મરણ છે.

નદી હું સરજવા ગયો’તો; બન્યું રણ,

હવે ત્યાં ભટકવાનું કારણ સ્મરણ છે.

બધું સર્વસામાન્ય છે એ ગલીમાં,

છતાં ત્યાં અટકવાનું કારણ સ્મરણ છે.

ઘણાં રોજ ગઝલો લખે છે સ્મરણમાં,

ઘણાંનું ન લખવાનું કારણ સ્મરણ છે.

amara tadapvanu karan smaran chhe