રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મારા મહીં સમાયેલા એ જણ વિશે ન પૂછ
mara mahin samayela e jan wishe na poochh
હનીફ સાહિલ
હનીફ સાહિલ
મારા મહીં સમાયેલા એ જણ વિશે ન પૂછ
બીજું બધુંય પૂછ પણ એ પણ વિશે ન પૂછ
મારી ગઝલની સાથે હશે કૈં ઋણાનુબંધ
પણ મારા એની સાથેના સગપણ વિશે ન પૂછ
માટીની જેમ હુંય સુંગધાઈ ગયો'તો
વરસ્યો'તો ધોધમાર એ શ્રાવણ વિશે ન પૂછ
લોહીલુહાણ કેમ છે આ મારા વર્તમાન
સદીઓ વીતી ગઈ હવે આ ક્ષણ વિશે ન પૂછ
ઓગળતી સાંજે દોસ્ત! કોઈ પ્રશ્ન કર નહીં
તું પણ સુરામાં ડૂબ ને મારણ વિશે ન પૂછ
કાગળમાં ચીતરાયેલી પીડાના સમ હનીફ
મારી ગઝલમાં આવતા એ જણ વિશે ન પૂછ
સ્રોત
- પુસ્તક : પર્યાય તારા નામનો (પૃષ્ઠ ક્રમાંક 31)
- સર્જક : હનીફ સાહિલ
- પ્રકાશક : ગુજરાતી સાહિત્ય પરિષદ
- વર્ષ : 1985