રેખ્તા
હિન્દવી
સૂફીનામા
રાજસ્થાની
શકાય છે
shakay chhe
શ્યામ સાધુ
શ્યામ સાધુ
મણકા સમી જ એને વિખેરી શકાય છે,
ઇચ્છાઓ જળની જેમ ઉલેચી શકાય છે!
આવો તરસને આંખનું ઉપનામ આપીએ,
મૃગજળ સમું કહે છે – સમેટી શકાય છે!
નિર્મમપણાની ભીંત ઉપર આવું કૈં લખો,
‘આ શૂન્યતાઓ દૂર ખસેડી શકાય છે!’
વસ્ત્રો સમા દિવસ તમે ફેંકી શકો નહીં,
હા, એટલું ખરું કે પહેરી શકાય છે!
એકાદ ચિંતા ફૂલની માફક ચૂંટી જુઓ,
લિપિ ઘણીય ઊંધી ઉકેલી શકાય છે!
સ્રોત
- પુસ્તક : કાવ્યસંચય - 3 (પૃષ્ઠ ક્રમાંક 166)
- સંપાદક : રમણલાલ જોશી, જયન્ત પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981