રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સાત પુષ્પોને નિચોવી માપસર
એક અફવા તરબતર તૈયાર કર.
મેઘમાળાઓ વિખેર્યા બાદ તું
આભના ખાલીપણાથી કેમ ડર?
ટેવવશ કે લાગણીવશ - શી ખબર?
પણ, હજી સ્હોરાય મન તારા વગર.
પાલખીનો ભાર લાગે છે હવે-
રાજરાણી લાગણી! હેઠે ઊતર.
શ્વાસની લાંબી લાં...બ્બી છે સફર
તું થયો ઇર્શાદ ક્યાં અજરાઅમર?
સ્રોત
- પુસ્તક : ઇર્શાદ (પૃષ્ઠ ક્રમાંક 51)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012