રેખ્તા
હિન્દવી
સૂફીનામા
રાજસ્થાની
આમ જુઓ તો માણસનું મન જાનીવાલીપીનાલા
aam juo to maaNasnun man jaaniivaaliipiinaaraa
ભરત ભટ્ટ 'પવન'
ભરત ભટ્ટ 'પવન'
આમ જુઓ તો માણસનું મન જાનીવાલીપીનાલા,
આમ જુઓ તો આખું જીવન જાનીવાલીપીનાલા.
વાદળ, વૃક્ષો, પંખી, કીટક ને રંગબેરંગી દુનિયા,
રંગબેરંગી સઘળાં સર્જન જાનીવાલીપીનાલા.
એ જોવાની ઘટના ક્યાં છે! તોપણ રંગો દેખાશે,
ધડકન-બડકન, સ્પંદન-બંદન જાનીવાલીપીનાલા.
આમ જુઓ તો રાધા ગોરી, આમ કનૈયો કાળો, પણ :
સાથે હો જ્યાં રાધા-મોહન જાનીવાલીપીનાલા.
બાગ-બગીચા, ફૂલો , ગજરા ને બારીના પડદાઓ;
એક 'પવન'નાં વિધવિધ વાહન જાનીવાલીપીનાલા.
સ્રોત
- પુસ્તક : કવિ તરફથી મળેલી કૃતિ