રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સૂરજ વિશેની વાત હું સાંજે નહીં કરું
suraj wisheni wat hun sanje nahin karun
દર્શક આચાર્ય
દર્શક આચાર્ય
સૂરજ વિશેની વાત હું સાંજે નહીં કરું,
હાથે કરીને રાત હું સાંજે નહીં કરું.
વૃક્ષો વિનાના દેશમાં આવી ચડ્યા પછી,
પંખી સમી વિસાત હું સાંજે નહીં કરું.
દૃશ્યો તરાવી આંખમાં વ્હેલી સવારના,
વ્હેતા સમયને મ્હાત હું સાંજે નહીં કરું.
સૂરજ અને નદીના મિલનની કથા વણી,
તારા મિલનની વાત હું સાંજે નહીં કરું.
પૂનમ સમયના ચંદ્રને જોડી સમુદ્રથી,
ભરતી વિશેની જાત હું સાંજે નહીં કરું.
સ્રોત
- પુસ્તક : સાંસોટ (પૃષ્ઠ ક્રમાંક 41)
- સર્જક : દર્શક આચાર્ય
- પ્રકાશક : વિશ્વગાથા
- વર્ષ : 2021