રેખ્તા
હિન્દવી
સૂફીનામા
રાજસ્થાની
જેમને લીધે થયો ‘ઇર્શાદ’ તું
એમને ક્યારેય આવે યાદ તું?
ભીની ભીની આંખો તારી કેમ છે?
ગટગટાવી પી ગયો વરસાદ તું?
એ ગલી, એ ઘર કશુંયે ના બચ્ચું
તોય નાહક કેમ પાડે સાદ તું?
રોજ વધતી જાય છે ઉંમર અને
ધીમે ધીમે થાય સૌથી બાદ તું.
કૈંક વરસોથી ફસાવ્યો છે. મને
હું મૂરખ કે લુચ્ચું અમદાવાદ તું?
સ્રોત
- પુસ્તક : ઇર્શાદ (પૃષ્ઠ ક્રમાંક 163)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012