રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સહારા પર
sahara par
હર્ષ બ્રહ્મભટ્ટ
હર્ષ બ્રહ્મભટ્ટ
છે નજર સેંકડો નજારા પર,
ધ્યાન રહેતું નથી ઇરાદા પર.
કઈ રીતે ગાલને બદલવાનો?
જ્યાં તમાચા પડે તમાચા પર!
ત્યાંય અનહદ હલેસાં માર્યાં’તાં,
જ્યારે જ્યારે તર્યો સહારા પર.
સાંભળીને હૃદય ગયું બેસી,
દોડવાનું હતું ધડાકા પર!
થઈ ફજેતીઓ પણ નીરસ મારી,
કોઈ હસતું નથી તમાશા પર.
રોજ પ્રશ્નો ઉકેલે દુનિયાના,
કોઈ ઊભો રહી ઉખાણા પર.
સ્રોત
- પુસ્તક : કુમાર - ઑક્ટોબર 2023 (પૃષ્ઠ ક્રમાંક 7)
- સંપાદક : પ્રફુલ્લ રાવલ
- પ્રકાશક : કુમાર ટ્રસ્ટ