ઋતુકાળ રાણીનો નિષ્ફળ કર્યો છે

ઋતુકાળ રાણીનો નિષ્ફળ કર્યો છે!

જુવાનીમાં સમ્રાટ રણમાં મર્યો છે!

કિનારેથી કૌતુક નિહાળી લ્યો મિત્રો

વલોવાતા દરિયામાં દીવો તર્યો છે!

નિરંતર ઉભા પ્રેમ પનઘટને આરે

કદી ઠાલવ્યો છે કદી ઘટ ભર્યો છે!

વધાવી લો રસ્તાને ઘરબ્હાર આવી

પુનર્જન્મ પામીને પાછો ફર્યો છે!

તમે કાષ્ઠ ચંદનના વીણીને આવો

અમે યજ્ઞ અંતિમ પળે આદર્યો છે

કિશન બંધ આંખોમાં અજવાળું આંજો

ઉઠો ઘરના ફળીયામાં તારો ખર્યો છે.

rutukaal raaniino nishfal karyo chhe