રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આ ઊતરતી સાંજ સાથે તમે રાત જેવું ઢળજો
aa utarti sanj sathe tame raat jewun Dhaljo
હેમંત ધોરડા
હેમંત ધોરડા
આ ઊતરતી સાંજ સાથે તમે રાત જેવું ઢળજો
ન મળ્યા ઉઘાડી આંખે હવે બંધ આંખે મળજો.
મને રણ મળ્યું તમારું ન મળ્યાં તમારાં વાદળ
ન શીતળ અડ્યા ત્વચાને હવે હાડોહાડ બળજો.
ન વહી હવામાં આવ્યા ન પવનમાં વીંટળાયા
હું ઊગીશ ઘાસ થઈને તમે ડાળ ડાળ લળજો.
કદી સહુ વળાંક પરથી હું વળ્યો તમારી બાજુ
હવે સ્થિર ગલી ગલી છું તમે મારી બાજુ વળજો.
ન વહનમાં સાંભળ્યો કે ન મને નીરવમાં કાંઠે
હવે શંખ છું તૂટેલો હવે મારું મૌન કળજો.
સ્રોત
- પુસ્તક : અણસાર કેવળ (પૃષ્ઠ ક્રમાંક 54)
- સર્જક : હેમંત ધોરડા
- પ્રકાશક : એન. એમ. ઠક્કરની કંપની
- વર્ષ : 2000