રેખ્તા
હિન્દવી
સૂફીનામા
રાજસ્થાની
ફરી ચાલ, નખને અણી કાઢીએ
pharii chaal, nakhne anii kaadhiiye
બાપુભાઈ ગઢવી
બાપુભાઈ ગઢવી
ફરી ચાલ, નખને અણી કાઢીએ;
ફરી સ્પર્શ તાજા ખણી કાઢીએ!
શરત આવવાની હો તારી અગર;
બધાં પાન વનનાં ગણી કાઢીએ!
બધી કોર તારી પ્રતીક્ષા કરી;
હવે દોટ કોના ભણી કાઢીએ?
તને કેવી રીતે ભૂલી જાઈએ?
કઈ પેર પગની કણી કાઢીએ?
ઈ તો આપમેળે ઊગે-પાંગરે;
ઈને ચ્યમ કરી ઝટ ચણી કાઢીએ?
સ્રોત
- પુસ્તક : કે નદી વચ્ચે છીએ? (પૃષ્ઠ ક્રમાંક 35)
- સર્જક : બાપુભાઈ ગઢવી
- પ્રકાશક : ગૂર્જર ગ્રંથરત્ન કાર્યાલય
- વર્ષ : 2003