રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સવાયા શબ્દનો સ્વસ્તિક કરીને મૌન થઈ જાઉં
sawaya shabdno swastik karine maun thai jaun
પ્રણવ પંડ્યા
પ્રણવ પંડ્યા
સવાયા શબ્દનો સ્વસ્તિક કરીને મૌન થઈ જાઉં,
મને આવડતા બે ટહુકા ધરીને મૌન થઈ જાઉં.
બધે અંધારપટ છે લાગણીનો – જાણું છું, તો પણ,
હું કોઈ આગિયા શો સંચરીને મૌન થઈ જાઉં.
નથી ઊંચકી શકાતો ભાર ભાવુકતાનો ભાષાથી,
નજરથી વાત કહું, તુર્ત જ કરીને મૌન થઈ જાઉં.
અવાજો પર્ણને નહિ, બસ પવનને હોય છે અહીંયા,
સતત થાતું મને : હું પણ ખરીને મૌન થઈ જાઉં.
ઘણીયે વાત બાકી છે, જરા શી રાત બાકી છે,
અધૂરી વાત પાછી આદરીને મૌન થઈ જાઉં.
ઉઘાડ્યા હોઠ એને ના સમય ઝાઝો થયો તો યે,
હવે લાગ્યા કરે છે કે ફરીને મૌન થઈ જાઉં.
સ્રોત
- પુસ્તક : કવિતા : ઑક્ટોબર – નવેમ્બર ૨૦૧૩ (પૃષ્ઠ ક્રમાંક 25)
- સંપાદક : રમેશ પુરોહિત
- પ્રકાશક : જન્મભૂમિ ટ્રસ્ટ